Qindra besimtarë ortodoksë gjirokastritë iu bashkuan meshës së Pashkëve që zgjati deri pas mesnate përgjatë sherbesave fetare të mbajtur në katedralen e re në Gjirokastër.
Përgjatë meshës së drejtuar nga At Theodhori Nikolla, ai bëri thirrje për më shumë paqe dhe ndriçim të brendshëm.
![](https://gjirokastraonline.com/wp-content/uploads/2018/09/dummy-ad-300x250-1.jpg)
Ai ftoi besimtarët të marrin dritë nga ringjallja dhe ta shpërndajnë atë.
Edhe në Tiranë mbrëmjen e së shtunës, Shërbesa e Tërënates filloi në orën 22:45 dhe u pasua nga Shërbesa e Ngjalljes, gjatë së cilës u shpërnda Flaka e Shenjtë dhe u lexua Mesazhi i Kryepiskopit Anastas, nga Mitropoliti i Apolonisë dhe Fierit, Hirësia e tij, Imzot Nikolla.
Kremtimi i Pashkës kulmoi me Liturgjinë Hyjnore, pas së cilës të gjithë besimtarët Orthodhoksë i uruan njëri-tjetrit “Krishti u Ngjall” dhe morën përgjigje “Vërtet u Ngjall”, duke trokitur vezët e kuqe.
Kur ora ka shënuar 00.00, të gjithë besimtarët kanë ndezur qirinjtë e tyre të njohur si dritën e shenjtë, e cila në mënyrë simbolike çohet në shtëpi e ndezur.
![](https://gjirokastraonline.com/wp-content/uploads/2018/07/dummy-ad-728x90-1.jpg)