Kafja është e rastësishme, por urimi sot është i përzemërt për Artistin e Popullit Luftar Paja. Nuk ka aspak rëndësi aritmetika e moshës për të, puna dhe vepra e tij janë pjesë e rëndësishme dhe kontribut dallues në teatrin dhe filmin shqiptar. Ka mbi 36 role në kinematografi. Është protagonist në 12 komedi, në 7 drama nga më të njohurat dhe më përfaqësueset në dramaturgjinë shqiptare. Përfaqëson një galeri nga më spikatëset në varietenë shqiptare prej 63 vitesh.
![Mund të jetë një imazh i 3 persona, mobilie dhe ambiente të brendshme](https://scontent.ftia1-1.fna.fbcdn.net/v/t39.30808-6/317093838_579721240825906_5043360397130768952_n.jpg?stp=dst-jpg_p526x296&_nc_cat=105&ccb=1-7&_nc_sid=8bfeb9&_nc_eui2=AeH9WMOPFsavFSeNShCr1XQc94Ns8n-JBbX3g2zyf4kFtQGaScCEDRLdqrtVxqqrLT_dTSahTcHefd952PYwc7H-&_nc_ohc=x7VYo1nHMbYAX9xjjar&_nc_ht=scontent.ftia1-1.fna&oh=00_AfDtdBfLVeoeYMECOX35cM30JzEkSvatGzl7zHDJSw6VvA&oe=638D1294)
Një aktor që i ka mishëruar si Luftar, karakteret shqiptare të labit, myzeqarit, minoritarin grek, dibranin, korçarin, etj., etj.
Sot kur e shënon edhe një vit shtesë në jetën e vet është i zënë, natyrisht në energjinë e tij të pashtershme, me xhirimet e filmit më të ri “Vdekja le të presë” me regjisor Edi Topin. Luan në këtë film së bashku me kastën e famshme, të cilët tashmë njihen si korife të kinematografisë sonë si: Reshat Arbana, Tinka Kurti, Margarita Xhepa…., etj., etj. Natyrisht, bashkë edhe me të birin, të talentuarin Gaz Paja.
Por artisti Luftar është në orën e bukur të shpirtit dhe artit shtues të vetvetes.
Kështu ndodh me artistët e lindur ose me talentet që e kanë këtë aftësi natyrale. E mbart dhe e shton talentin e vet, si element të vyer të mishëruar me njerëzinë vetiake si mirësi dhe qeshje.
Na ka dhënë qeshje si askush dhe sa askush nëpër netët e Vitit të Ri edhe kur ftohtësia në shpirt ishte bërë çimento.
Jetofsh duke udhëtuar ende artistikisht Çobo Rapushi ynë!
Gëzuar artisti Paja!!!!
![](https://gjirokastraonline.com/wp-content/uploads/2018/07/dummy-ad-728x90-1.jpg)