Në konferencën përkujtimore, organizuar në 85-vjetorin e lindjes së baba Haxhi Saliajt, vlerësuam rolin e shquar të tij dhe historikun e bektashizmit në Gjirokastër, shkruan ne faqen e tij ne fb Kryetari i Bashkise te qytetit te Gjirokastres Flamur Golemi.
Teqet bektashiane kanë qenë dhe mbeten vatra të rëndësishme për edukimin e brezave. Baba Haxhi Saliaj spikati si klerik i tarikatit bektashi ndërsa në figurën e tij evidentohen atdhedashuria, respekti për besimet e tjera, dëshira për dijen dhe arsimin.
![](https://gjirokastraonline.com/wp-content/uploads/2018/09/dummy-ad-300x250-1.jpg)
Forca e besimit të palëkundur në Zot e gërshetuar me ndjenjën e humanizmit, bënë që ai t’i mbijetonte kalvarit të vuajtjeve gjatë diktaturës dhe pas vitit 1990 të jepte një kontribut të vlefshëm, për ringritjen e bektashizmit.
Figura si baba Haxhi Saliaj lënë gjurmë jo vetëm tek klerikët dhe besimtarët por në tërësi, në trevat dhe komunitetet përkatëse, duke qenë gjithmonë pjesë e memories së brezave.
![](https://gjirokastraonline.com/wp-content/uploads/2018/07/dummy-ad-728x90-1.jpg)