admin
Studio Italiane Projektimi në Gjirokastër 1927-1937. Inxhinieri Italian që Udhëhoqi Projektin e sjelljes së Dritës Elektrike…
Gjirokstra përpara dritës elektrike, është ndirçuar me fenerë me vajguri, vendosur ne rruget kryesore te lagjeve si dhe ne 5 degëzimet e Qafës së Pazarit.
Në një orar të caktuar i ndizte gjirokastriti Murat Gaba. Nga ajo kohë, ka mbetur e kujtohet edhe sot një vjershë e Veip Qorrit, bejtexhiut të qytetit:
Atje poshtë e atje lart, te urat në Dunavat
Te kam thënë disa herë, pse s`i ndez ato fenerë?!
Më ke thënë e s`më ke thënë, pse t`i ndez kur ka hënë?!
Po kur ka hënë kudo, pse i ndez në Palorto?!
Kjo situatë në Gjirokastër ndryshoi ne vitin 1927 kur një studio italiane pasi projektoi nisi dhe punen per ndjekjen e punimeve te centralit elektrik për sjelljen e dritës elektrike.
Shoqëria elektrike Shqiptare Anonime S.E.S.A, e cila varej nga shoqëria anonime italiane SEIA, nën drejtimin e inxhinierit Italian Salvanio Tonnini, mori përsipër ndertimin e infrastrukturës dhe krejt instalimet elektrike.
Punimet e para, ndertimin e centralit elektrik, kabinave ne disa lagje dhe më pas shtrirjen e rrjetit elektrik te tensionit te lartë, filluan në vitin 1929 dhe përfunduan në ditën e përurimit me 28 Nëntor 1932, ditë që shënoi ngjarjen e madhe, sjelljen e dritës elektrike në qytet.
