admin
Nga Petro Mejdi:Historiku i një kënge :
-Nasho Jorgaqi — autor i tekstit të këngës së njohur shkodrane ” Luleborë “, të Simon Gjonit —
I
Një fragment nga libri” Koha e kujtimeve ” i Nasho Jorgaqit .
…Ndodhi kështu .Një ditë ,kur gjendeshim në Shtëpinë e kulturës ,pasi i ra pianos , u kthye nga unë e më tha me zërin e tij të ngrohtë :”Nasho , dua prej teje të më shkruash një vjershë .Një vjershë për D., që pastaj ta kompozoj” .Këto fjalë më erdhën fare papritur .U gëzova dhe u habita , aq sa mbeta për një çast .Së pari , sepse po më nderonte ,duke kërkuar një vjershë që donte ta bënte këngë .Së dyti ,po më besonte një të fshehtë , dashurinë e tij ,të cilën unë tërthorazi e kisha kuptuar , por s’ e bëja veten ……
( Kureshtarët mund të lexojnë vijimin në fragmentet nga libri të fotokopjuara , në të cilat bëhet fjalë për këtë këngë .)
II
Duke lexuar librin e mrekullueshëm të Nasho Jorgaqit ” Koha e kujtimeve ” , një nga botimet më interesante të pas viteve 90 –të , një botim që të njeh me figura të shquara të letërsisë dhe gjuhësisë , aspekte të panjohura të këtyre figurave .Aty janë Sejfulla Malëshova , Selman Riza , Poradeci ,Kuteli , Ali Asllani , Bulka ,Jakov Xoxa , Robert Shvarci e tj , siç nuk i kemi njohur më parë .
Një e re ishte që mësova në këtë libër është ajo , se Nasho Jorgaqi është autori i tekstit të këngës së njohur shkodrane ” Luleborë” , të kompozuar nga Simon Gjoni , në atë kohë mësues i Nasho Jorgaqit në Gjimnazin e Shkodrës .Kureshtarët mund të lexojnë fragmentet të shkëputura nga libri në fjalë .
Kjo këngë është kënduar nga shumë këngëtarë , ajo është ngjitur në shumë skena kombëtare dhe ndërkombëtare .Atë e kanë kënduar dhe këngëtarë të huaj si Janis Parios, gjatë koncerteve të dhëna në Shqipëri në fund të viteve shtatëdhjetë , me grupin e kompozitorit të njohur grek Jorgos Kacaros .
