admin
Të nderuar miqtë e mi, përshëndetje.
Sot, të shtunën, më 14 maj, pata nderin dhe privilegjin e veçantë të isha në një takim me gjeniun letrave shqipe, me personalitetin më të shquar të kulturës sonë kombëtare z. Ismail Kadare. Në shoqërinë e krijuesit, të përkthyesit dhe botuesit të mirënjohur, Bujar Hudhri, për mbi 90 minuta folëm për gjuhën shqipe e letërsinë shqiptare, për studimet albanologjike e perspektivën e tyre, për letërsinë në shkollë dhe qasjet ndaj librit në ditët e sotme, për mundësitë e rritjes së komunikimit dhe rrafshimin e pengesave ndërmjet Shqipërisë e Kosovës në këto fusha.
E falënderoj z. Ismail për pjesëmarrjen në bisedë, për interesimin e tij aktiv, për mjedisin e këndshëm e të lirshëm bisedor që krijoi! I uroj jetë të gjatë e shëndet të mbarë! Ardhtë së shpejti me një botim të ri, të mezipritur prej nesh.
