admin
Sot urojmë për ditelindjen mikun e faqes sonë Jani Rafti, intelektual i njohur ne Gjirokastër me veprimtari dhe kontribute ne fushën e bujqësisë.
Jani lindi në Libohovë me 27 maj 1951 ku kaloi femijerinë, mbaroi shkollen 7 vjecare Avni Rustemi dhe nga viti 1964-1968 perfundoi gjimnazin Asim Zeneli të qytetit të Gjirokastrës.
Ne vitin 1968 – 1973 mbaroi dhe Universitetin Bujqesor ne Tirane dega agronomi dhe nga viti 1973 -1981 punoi në ndermarrjen tregtare te artikujve te ndryshëm si përgjegjës sektori i fruta-perimeve.
Në vitet 1981-1989 emërohet në seksionin e bujqësisë të rrethit si specialist i perimeve dhe për një periudhë 2 vjecare shkoi dublant ne rrethin e Matit.
Ne vitin 1991 emërohet drejtor i Stacionit Bujqësor të rrethit të Gjirokastrës dhe për vitet 1982- 1987 drejtor i bujqesise; 1987- 2005 specialist ne kete drejtori.
Jani ka kryer dhe detyra të tjera ne administratën shtetërore si drejtor i hipotekës 2006 – 2008 dhe për 3 vjet deri në 2011 drejtor i burimeve njerezore ne Këshillin e Qarkut.
Për një periudhë 4 vjecare është rikthyer si specialist ne drejtorine e bujqesise. Ne vitet 2000 -2004 ka qënë dhe anëtar i Këshillit Bashkiak të Gjirokastrës.
Nga rruga e përshkruar si nëpunës shteti mësohet se ka veprimtari më të gjatë si specialist e drejtues me kontribute në zhvillimin e sektorit të bujqësisë ne rrethin e Girokastrës.
Tani Jani Rafti është në pension dhe me rastin e 67 vjetorit të lindjes i urojmë shëndet e gëzime!
