admin
Presidenti Republikes Ilir Meta nderon me dekoraten e larte Nderi i Kombit Mesuesin e Popullit Thoma Papapano
Ne Presidence eshte zhvilluar ceremonia e vleresimit me dekoraten e larte ” Nderi i Kombit” per Mesuesin e Popullit Thoma Papapano me motivacionin:
“Në vlerësim të veprimtarisë së shumanshme si atdhetar e intelektual i njohur për shpalljen e pavarësisë, mbështetjen e flaktë të qeverisë së Vlorës dhe ngritjen e flamurit kombëtar në Gjirokastër”
Dekoraten e mori ne dorezim Dr. Kostandin Balloma , nipi i Thoma Papapanos.
Thoma Papapano u nda nga jeta me 28 shtator 1970. Në shtypin qendror dhe lokal u botuan nekrologjia dhe shkrime përkujtimore, në shenjë nderimi e respekti për punët e tij kombëtare, veprimtarinë politike, arsimore, kulturore e shoqërore.
Kronologjikisht u përmendën lëvizjet nga mërgimi ku ndodhej, në Turqi ku më 1907 kreu shkollën e mesme dhe në 1908 u kthye në Gjirokastër, i pandarë nga qyteti deri ditën e fundit të jetës.
Thoma Papapano, Anëtar dhe sekretar i klubit Drita, nje nder themeluesit e shkolles se pare shqipe Liria me 1908 dhe celjen e shkollave të tjera në krahinat e Jugut ; ne vitin 1913, anëtar delegacioni i ngarkuar nga qeveria e Ismail Qemalit shkoi në disa kryeqytete te Evropës për mbrojtjen e kufijve të Atdheut, ndersa nga shtatori i vitit 1917 e gjer ne vitin 1966 punoi në arsim, për mbi gjysëm shekulli me radhë duke ushqyer në mendjen dhe zemrat e nxënësve dashurinë për atdheun, për gjuhen shqipe dhe letërsinë shqipe.
Pas clirimit të vendit kreu disa detyra: përgjegjës i seksionit të shëndetësisë në Komitetin Ekzekutiv të ish Qarkut të Gjirokastrës, zvdrejtor i Licet të qytetit, deputet në Kuvendin Popullor, u zgjodh n/kryetar i kryesisë se FD të rrethit, anëtar i Komitetit te Veteranëve të Luftës së popullit dhe anëtar i presidiumit të këtij komiteti.
Vlerësimin e parë pas clirimit e ka marrë me distiktivin « Arsimtar i Dalluar » me motivacion « Është shquar në punën arsimore për vullnetin e aplikimin e metodave të reja, duke dhënë kështu rezultate në mësim dhe ne edukimin e brezit të ri si dhe në mbarëvajtjen e shkollës së re ». Më pas u dekorua « Mësonjës i Merituar », me Urdhërin e Lirisë të klasit të III, me Urdhërin për Merita Patriotike, me titullin e Lartë « Mësues i Popullit ».
Historiografia shqiptare e ka vendosur emrin e Thoma Papapanos, “Mesues i Popullit », ne nje radhe me patriotet e mëdhenje te rilindjes shqiptare qe punuan per fitoren e Pavarësisë së vendit, për zhvillimin e përparimin e Arsimit Kombëtar, të mësimit të gjuhës shqipe, vlerësuar njëkohësisht hartues i një abetareje në gjuhën shqipe, kontribut në përgatitjen fillestare te nxënësve për të mësuar shkrim e këndim.
Nderime e vlerësime i janë bërë edhe pas vitit 1990. Këshilli Bashkiak i qytetit të Gjirokastrës e ka nderuar me titullin « Qytetar Nderi » ndersa Këshilli i Qarkut me titullin « Nderi i Qarkut ».
