Admini
Ju ka Shkuar Mendja per Nje Gliko te Lunxherise? Cilat Ju Shijojne më Shumë, me arrë, me ftua, me Qershi apo ..?!
Peme e fruta ne Lunxheri ka sa te duash. Mbushur koshtrat , anes mureve e te tjera edhe ne rruge qe nuk i prek njeri, edhe kur piqen qe t`i hane bota, udhetaret.
Me to behen dhe glikot e Lunxhit qe , kush i ka shijuar, ka kerkuar dhe nje tjeter, per shije aq te mire , aq sa te leshon goja leng.
Keto gliko i pergatit cdo shtepi ne Lunxheri, mburren dhe ne panaire.
Me to nderohet shtepia, qerasen mysafiret, nxirren ne fejesa, dasma e gezime te tjera famijare, ne pagezime e ne festimin e emrave.
Nuk blejne lunxhotet glikora ne Pazar, ne qelqurina dhe te jashtme te jene, me etiketa e fjale reklamash me ngjyra, te pergatitura nga duart e botes. Jo se kane anicire po nuk ju zene syte dhe as i shijojne, se, siç shprehen jane me sheqer shume.
Ato sheqerin e perdorin me mase, jo mbush grushtin dhe hidh, perkundrazi me karar aq sa do rrushi, sa do lengu i ftoit, sa do arra …
Po cilat jane glikot e Lunxherise?
Te themi disa e ndonje ta hedhim edhe ne faqe qe ten na ngopet syri se per te shijuar duhet te shkojme ne Dhoksat, ne Qestorat, ne Saraqinisht, ne Mingul dhe fshatrat e tjera qe te mos I zeme te gjitha me radhe.
-Ja disa, me te dukurat dhe me te shijshmet kur na i afrojne ne tabaka apo ne tryeze:
– Gliko me arra
– Gliko me Qershi
– Gliko me Fiq
– Flete trendafili
– Gliko me Portokalle
– Gliko me thane
– Gliko me shalqi
– Gliko me rrush
Nese harruam ndonje na e kujtoni e na thoni nese i beni dhe si, qe recetat tuaja t`i mesojne dhe amvisat e tjera.
Ne shtepite e Lunxhit behen te gjitha llojet e glikove dhe, nese harruam ndonje , na e kujtoni dhe na thoni se cilat nga glikot ju shijojne me shume?!
