admin
Nuk e kemi fjalen per qumeshtin e fabrikave por per ate qe fshataret shesin ne treg apo ku te ndodhen.
Siç ka fshatare te mire e te ndershem, ka dhe hileqare qe, per te fituar, qumeshtit i hedhin dhe “ nje çike uje” per te marre nje leke me shume.Duket kjo “manover” sjellje e vjeter ne kohe e shprehur dhe ne humorin gjirokastrit, ne Pazar apo ne lagjet e qytetit.
Zeqo e kishte emrin fshatari qe nje here ne dy dite shiste qumesht me okare ne dore ne Palorto.
Ne nje rast njeri nga banoret e pyeti:
– O Zeqo, si e ke qumeshtin?
– Te bardhe mo, si ta kem, si e ka bere mama dhia!– Nuk te pyese per ngjyren se dhe fare i bardhe, zbore, nuk eshte!
– Po perse me pyet?
-Po ja mo, thashe se mos i ke hedhur gje uje?
Zequa, fshatar i zgjuar, edhe pse bente hile, iu pergjegj me humor:
– Ka dhe qumesht zoteri!
E kujtuam kete histori dhe per ta komentuar se dyshojme qe ende vazhdojne “hilerat” me qumeshtin…
Cili eshte mendimi tuaj?!
