"SI TA BENI BUKEN NE SHTEPI" - QE MOS DALESH DHE TA MARRESH BUKEN NE PAZAR!

Tani nuk thua dot u keputa nga punet e shtepise, se nuk je me ne pune te shtetit. Ke tere kohen tende, te lash e te shplash dhe te gatuatsh e nje nga detyrat e para per cdo amvise eshte pergatitja e drekes apo darkes, po ashtu dhe e bukes.

Pse ta marresh ne Pazar, kohe ke beje vete.

Po percjellim kete  recete dhe zbatoje, eshte e thjeshte dhe do ndihesh mire e do marresh dhe falenderime. Sa te vrasesh mendjen dhe te dalesh jashte ne nje ore qe rrezikohesh, me mire beje ne shtepi!

Provoje nese nuk e ke bere ndonjehere!
Ja receta e gatshme nga AgroWeb.org:
Perberesit:
700 gr miell

2 lugë e gjymsë gjelle me maja

1 lugë çaji kripë

1 lugë çaji sheqer

3 lugë gjelle vaj ulliri

500ml ujë i ngrohtë

Përgatitja
Për të përgatitur këtë bukë të shijshme fillimisht duhet që të bëni gati brumin e ardhur.

Në një tas të vogël hidhni 150ml ujë të ngrohtë dhe 1 lugë gjelle maja të thatë.

Përziejeni mirë sa kokrrizat e majasë të shkrihen dhe më pas shtoni 200g miell.

Punojeni brumin derisa përbërësit të lidhen dhe sipërfaqja të jetë e lëmuar.

Këtë brum mbulojeni me qese kuzhine dhe lëreni të pushojë për 30-35 minuta.

Kur të ketë dyfishuar volumin e tij do ta kuponi që është gati.

Më pas AgroWeb.org ju sugjeron që të vazhdoni me përgatitjen e pjesës tjetër të recetës.

Në një tas të madh përzieni bashkë miellin e mbetur me kripën dhe sheqerin.

Ndërsa tek uji i mbetur tresni majanë e mbetur dhe bashkoheni me vajin e ullirit.

Kur ajo të ketë shkrirë këshillohet që ta hidhni ngadalë tek mielli.

Punojeni brumin me duar derisa sipërfaqja e tij të jetëe lëmuar dhe e njëtrajtshme.

Tani bashkoni dy brumërat dhe punojini për 10-15 minuta.

Për të pjekur këtë bukë duhet që në fillim të keni ngrohur furrën në 170 gradë.

Më pas derisa brumi të fryhet temperature e sobës duhet të qëndrojë 170.

Pasi të shihni që brumi ka ardhur, rriteni temperaturën në 200 gradë dhe lëreni të piqte plotësisht.

Pasi të jetë pjekur largojeni bukën nga tava dhe lëreni të pushojë në një pecetë.

Pasi të jetë ftohur mund ta prisni dhe ta konsumoni.

Kjo bukë mund të qëndrojë e freskët për 2-3 ditë nëse e ruani në ambient të thatë e pa lagështirë.

*Ndalohet kopjimi apo riprodhimi i artikujve pa cituar burimin /GjirokastraOnline.com