admin
Për Nafiz Haskën, kamarierin profesionist, simpatik e të sjellur të Turizmit të dikurshem të qytetit të Gjirokastrës, flitet dhe sot me nostalgji.
Për shërbimin e shpejt e cilesor pa bërë dallime, vlerësuar jo vetem nga “populli”, nga shumica e klientëve, por edhe nga të “mëdhenjtë”, turistët dhe delegacionet e huaja.
Nafi Haska profesionin e kamarierit e nisi që i “vogël”, fillimisht ndihmës e më pas kamarier, përgjegjës në Turizëm e Këcullë dhë pas vitit 1990 menaxher në restorantin më të frekuentuar të atyre viteve tek Këndella.
Këtë profesion për 47 vjet me radhë ai nuk e ka ndëruar me ndonjë punë tjetër, edhe pse oferta ka patur.
I pa mërzitur nga puna dhe klientët, disa prej tyre edhe “namuzqarë”, ka ditur të “përshtatet” në situata jo të qeta për plotësimin e “tekave” të klientëve të vështirë. Edhe me këtë kategori ai është ndarë me buzëqeshje e fjale te mira.
Tani Nafiz Haska nuk punon më në Gjirokastër dhe, prej shumë vitesh, i pandarë në restorantet më të mira e në mes të Bllokut, në kryeqytet, që administrohen nga pronare gjirokastritë të cilët e çmojnë për profesionalizmin e lartë, marrëdhëniet e mira më klientët, sherbimin cilësor e me kulturë.
