Admini
Rrobaqepesi me dyqan ne Qafe te Pazarit Pando Zhonga nuk bente kostume nga fillimi, prerje e qepje deri ne gjelperen e fundit.
Ai ishte i specializuar dhe vleresohej per kostumet e perdorura qe njerezit nga nevoja i kthenin nga e para.
Kete proces me mire dhe me sakte se Pando Zhonga nuk e bente rrobaqepes tjeter ne Gjirokaster.
Dyqani ku bente zanatin ishte pa reklame, jashte e brenda nuk ngjante me dyqanet e tjera te rrobaqepesise me porosi deri diku edhe me ndonje tavoline, ne mes me revista te vjetra te modes si te dyqani i Mihal Llajos apo tek rrobaqepesit me porosi ku sherbenin Shano Mezini dhe Melpomeni Aleksi.
Dyqani i Pando Zhonges ndryshonte ne pamje dhe “permbajtje”, ne strukture, nuk qepeshin kostume per dhendure dhe pantallona te modes, qepej e shqepej, ktheheshin dhe hidheshin balloma ne pantallona, ktheheshin jakat e kemishave dhe xhaketave, po puna e pare dhe e kerkuar ishte ajo e kthimit nga e para te kostumeve te jetes.
Punen e Pandos e vleresonin me shume burrat e vjeter qe nuk e kishin per turp te vishnin nje kostum te kthyer nga e para, edhe me vulanga, po qe nuk dukeshin me. Kostumi i vjeter i kthyer dukej si ne diten e pare te proves, qepur e shqepur me dore po pa nje te mete qe te binte ne sy per keq.
Ja per keto kujtohet njeriu i mire Pando Zhonga, mjeshtri duararte i kthimit te kostumeve nga e para qe dukeshin fringo te reja.
