admin
Disa dite perpara se Enver Hoxha te vizitonte Gjirokastren ne mars te vitit 1978, ne kinoteatrin e qytetit kishte gjalleri te vecante.
Punohej nga specialiste te drurit per ngritjen e llozhes ne krye te salles se shfaqjeve. Askush nuk dinte perse nje nxitim i tille po drejtues te pushtetit lokal dhe te tjere venin e vinin. Neper dhembe edhe flitej se pritej nje vizite e udheheqesit, Enver Hoxhes, gje qe ndodhi ne ditet e para te marsit te atij viti.
Me shpejtesi e pa buje u punua per ngritjen e llozhes, sistemimin e saj me dy radhe me kolltuke.Tre kolltuke u vendosen edhe ne zyren e drejtorit, ne ate kohe drejtues i institucionit i ndjeri Petro Kosta.
Llozhes, nga ajo mbremje qe Enver Hoxha u ul ne kolltukun e mesit te rrjeshtit te pare, vite radhazi iu dha rendesi e vecante, u zbatua nje protokoll qe vazhdoi gjate.
Kolltuket e rreshtit te pare e te dyte u rezervuan per udheheqjen e larte qe vinte nga Tirana dhe ate lokale.
Ne aktivitete, shfaqje apo mbledhje te rendesishme, tek dera e llozhes nga druajtja se mos ulej ndonje i forte dhe paleje, qendronte nje nga aktoret dhe nje hap me larg punonjesi i sigurise.
Kjo situate me pas ndryshoi, e thyen autoritetet e vendit qe, ne llozhe, te vecuar nga publiku, rinin ne shoqerine e kuadrove me poshte tyre ose me drejtuesit e institucionit.
Keshtu per afro 42 vjet kolltuket nuk levizen nga vendi, vec ne aq e kaq vjet, ju eshte nderuar mbulesa. Jane dhe sot, sic i shikoni ne foto, po pritet qe, sic kemi degjuar, dhe nga nje vizite qe Ambasadori italian ne Tirane Fabrizio Bucci beri ne kete institucion, te filloje puna per rikonstruksionin e godines.
Ky eshte nje lajm i mire dhe me siguri qe dhe kolltuket nuk do jene ato te 42 vjeteve me pare, te pa hequra qe nga ajo mbremje e marsit e vitit 1978 kur Enver Hoxha, i ulur ne kolltukun e mesit, kryesorin, ndoqi nje koncert te ansamblit artistik te pallatit te kultures.
