Në kujtimet per vitet ne gjimnazin e Gjirokastres Prof. Dr. Agron Fico, veç të tjerave, ka shkruar:
“Xha Vehipi me bastunin e vet trokiste në kalldrëmet e rrugëve të qytetit dhe thurrte vargje për qytetarët.
![](https://gjirokastraonline.com/wp-content/uploads/2018/09/dummy-ad-300x250-1.jpg)
Ai banonte tek kasollja afër sarajeve të Dino Çiços. Xha Vehipi, në mjedisin e tij tepër të thjeshtë, gjendej i rrethuar nga njerëz kureshtarë e sidomos nga nxënësit e gjimnazit.
Gjimnazistët edhe ndonjë shaka bënin me poetin e mençur.
Një ditë e takova dhe, për të hapur bisedën, i thashë se djali i Halit Kadaresë, d.m.th. Ismaili, po i merrte zanatin, hartonte vjersha dhe i botonte.
Ai më njohu nga zëri dhe përgjigjen, sipas zakonit, ma dha në vargje:
Ismaili djal’i mbarë,
Vjershëtar i kllasit të parë,
Djali i Halitit me siza
Mendja e tij plot alitrika (ndriçim).
Vjershëtori i verbër, përpara mjaft të ashtuquajturve kritikë dhe studiues, ndjeu me shqisën e veçantë të poetit talentin, xixat poetike të Kadaresë.
![](https://gjirokastraonline.com/wp-content/uploads/2018/07/dummy-ad-728x90-1.jpg)