admin
Neptun Bimi gëzonte emër dhe nam te mire si berber jo vetem në Gjirokastër ku lindi dhe shkoi vite te rinise, por edhe ne Tiranë, në berberanen tek rreth rrotullimi i 21 Dhjetorit, përballë me stacionin e autobuzit te linjës Bankë-Kombinat.
Neptun Bimi vleresohej per cilesine e sherbimit, modelin e flokeve që priste, ashtu dhe per humorin, fjalën e embel dhe inteligjencen; klientët i priste me buzëqeshje dhe fjalë të mira.
Berberanën në “21 dhjetori”, gjirokastritët dhe ekipi i futbollit e kishin si shtepine e tyre, strehe te ngrohte ku nuk shkonin vetëm për t`u qethur por dhe për muhabet.
Miqtë e tij më të mirë ishin gjirokastritët e Tiranës, por dhe “buka e vjetër”, nëpunës gjirokastritë që sajonin sherbime pune në Tiranë për t`u qethur tek Neptuni.
Miqësi të pahumbur ne vite Neptun Bimi kishte me dy legjendat e futbollit gjirokastritë, Sefedin Braho e Dhori Kalluci që nga koha kur Sefia e Dhori luanin me ekipet e futbollit te kryeqytetit. Nga ato vite e ne vazhdim ata nuk u ndane nga berberana e tij. Nese vinin per ndeshje, kohen e lire do ta kalonin ne shoqëeri me të.
Neptuni ishte një ndër tifozët me “penallti” që linte dhe kokën për emrin dhe mburrjen që gezonte ekipi i zemrës, Gjirokastrës. Ekipin e ndiqte jo vetem ne Tirane por dhe ne rrethe. Deren e autobusit e kishte te hapur, shkonte e vinte, ne ndeshjet e radhës, si ndjekes i pasionuar i Luftëtarit.
Në Tiranë, studentë e gjimnazistë thoshnin: “Vemi tek gjirokastriti që qeth ndryshe, me stil!”.
Ata kënaqeshin kur veten e shikonin në pasqyrë, admironin stilin e modelin ne qethje të Neptunit, që berberë të tjerë në Tiranë përpiqeshin ta kopjonin por që nuk e arrinin dot.
Neptuni ishte krijues, me prirje dhe “dorë” perendimore ne qethjen e flokeve. Modelet e reja te flokeve i kopjonte nga revistat e huaja që i binin fshehurazi ne dore por dhe nga futbollistet e huaj që vinin per te lojtur ne Tiranë. Zinte kreun e tribunes dhe “i shikonte ata nga koka”. Kështu njihej me modelet per t`iu përshtatur kerkesave te rinise që, edhe pse e shtrenguar të luftonte shfaqjet e huaja, te ishte kunder modes se huaj ne veshje e ne qethjen e flokeve, përpiqej te paraqitej ndryshe, sipas modes që vinte nga jashte, adhurues e praktikante i së cilës ishte dhe berberi Neptun Bimi.
Neptun Bimi, vëllai i Plutonit, mësuesit të njohur të matematikës dhe Agronit, mjeshtrit te punimit te drurit, ashtu si ata dhe ai iku nga kjo jete duke lene emer dhe kujtime te mira.
Ai u nda nga jeta në Tiranë me 9 dhjetor 2017 në moshë 83 vjeçare.
