Athanas Papavangjeli, kapitalisti i fabrikës së lëkurëve në Gjirokastër, nga viti 1923-1945, nderuar fabrika në ’33 në Panairin e Selanikut me titullin “Grand Pics”, mblidhte edhe vetë, pa turp, “kakat e qenve” për regjjen e lëkurëve.
Pas 1990, fabrika e lëkurë këpucës në qytetin tonë, në Gjirokastër, u privatizua. Pronari i vërtetë i saj, nga viti 1923 ishte Athanas Papavangjeli dhe djemtë, për të cilin në sistemin e kaluar eshte folur se “shfrytezonte punen me meditje te punetoreve”, po pa zënë në gojë edhe të mirat, fjala vjen, investimet dhe punësimet.
![](https://gjirokastraonline.com/wp-content/uploads/2018/09/dummy-ad-300x250-1.jpg)
Ato nuk ishin pak per kohen. Fitonte ai hanin bukë dhe të tjeret. Në atë kohë emri i Papavangjelit me etiketimet e shumta, tingëllonte i largët në kohë edhe në lagjen Pazar i Vjetër ku para çlirimit vinte të takonte vajzën, “Talon e Mukës”, martuar me Nakon, djalin e Cile Mukës, qoftexhiut të famshëm të qytetit.
Tregojnë se dhe babai i saj, Papavangjeli edhe pse pronar fabrike, kur vinte ne lagje, nëse gjente “kaka të qenve” i mblidhte në një torbë leshi dhe i përdorte në fabrikë për rregjjen e lëkurëve. Në qytet, me grumbullimin e tyre merreshin edhe të medhenj e fëmijë që i paguante. Askush nuk skuqej e as kish turp, kur me këtë punë merrej vetë pronari i fabrikës.
Emri dhe puna e Athanas Papavangjelit, me origjinë nga Labova e Zhapës, u vlerësua pas vitit 1990. Në kujtim të tij, si industrialisti i parë i përpunimt të lëkurëve në qytetin tonë nga viti 1923 deri ne 1945, nderuar fabrika në vitin 1933 në Panairin e Selanikut me titullin “Grand Pics” -me emrin “Athanas Papvangjeli dhe Djemte, Fabrikë moderne lëkurësh, Gjinokaster 1923”, një nga rrugët në Varosh nga “Vila Papavangjeli” e në vazhdim mban tani emrin “Rruga Papavangjeli”.
![](https://gjirokastraonline.com/wp-content/uploads/2018/07/dummy-ad-728x90-1.jpg)