admin
Tregu i perimeve dhe frutave ne lagjen 18 Shtatori ne Gjirokaster, edhe pse pak i shperndare, mbetet nje vend i pelqyer per bleresit e kesaj lagjeje por dhe lagjeve te tjera.
Ndryshe nga vite me pare, ku ketu tregtoheshin edhe veshje e artikuj te tjere, bleresit ne “tregun e tyre’ levizin lirshem dhe mallin e zgjedhin “kokerr me koker, perime e fruta ne arkat e fshatareve qe duhet thene nuk jane te shtrenguar, japin dhe mbi peshe e jo nen peshe.
Ndaj dhe bleresit te kenaqur me hapesiren e “tregut te vjeter”, qe nje shumice e kane ne “dere te shtepise”, te mesuar me te, thone:”Dalim nje here nga tregu, blejme ndonje gje nga fshati, pime dhe kafe tek Zani qe e bene te mire, me kajmak.”.
Kjo kategori vete me filozofine nje udhe e dy pune,shohin tregun, blejme mall te fresket, prodhim fshati pa hormone, nitrate e penicilina , pastaj te ngeshem, shohin per mish te vogel tek kasapet e njohur, tek Melua, Seferi dhe Selfua dhe me pas pine kafen e mengjesit.
Ca e ca, “steka te vjetra te tregut,”qe nuk e heqin trasten nga dora,veprojne ndryshe.
Qe pa gdhire dine vendet ku fshataret parkojnr veturat dhe “gjuajne” te paret mallin e mire. Te njohur e te stervitur ne kete gjueti, fshatareve ua marrin mallin dhe pa peshuar.Jane “ustallare” te vjeter, e dine se c`mall marrin ndaj dhe “hahen “ dhe me njeri tjetrin, jo ti jo une, po fshatari zemermire, ndryshe nga cdo shites privat, e mban muhabetin mire dhe i kenaq te gjithe, shuan “gerrnjen”me fjale te mira, ul cmimin e jep dicka mbi peshe.
Kete praktike e ndjekin edhe shitesit veteran te perimeve dhe frutave te Tregut qe gjate gjithe vitit shesin mall te shumices, mallin e fshatareve e blejne dhe me sy e pa peshuar se te fituar jane, e shesim me cmim me te dukur, te kripur,se ia vlen.
Konvejeri i gjelber i perimeve dhe frutave te kesaj vere, prodhim nga puna e fshatareve eshte i pasur.
Mallin bio e duan te gjithe, domaten e Dhoksatit, barbunjat e Libohoves dhe Nepravishtes, qepet e Suhes dhe Laboves se Kryqit te lidhura dhe ne vargje qe shume familje gjirokastrite i mbajne gjendje per muajt e dimrit.
Ç`te kujtosh me pare dhe nga frutat, dardhet e Suhes e Laboves se Kryqit, Kumbullat e Lunxherise, bajamet e ngastrave te reja ne Valare apo te fshatrave, pjeprat dhe shalqit, te gjitha cilesore e te shendetshme.
Ka lezet tregu tani, perime e fruta me bollek, zgjedh c`te pelqen, lidh dhe ndonje kontrate me goje me fshataret, bjeme kete e ate, edhe per stinen e dimrit, se i fituar je nese bene Pazar ne keto dite ne Tregun e mbledhur ne lagjen 18 shtatori qe duhet thene se ka nevoje edhe per mirembajtje e sistemime.
