admin
Në pasditen e 28 Nëntorit 1912 Gjirokastra mori lajmin e madh të Shpalljes së Pavarësisë Kombëtare, ndërsa më 4 dhjetor festoi po me madhështi vendosjen e Flamurit Kombëtar në kala, përpara kullës së sahatit.
Përpara se të shkohej në kala, populli u mblodh në hyrje të Prefekturës, tek Klubi, ku u mbajten fjalime për rëndësinë e Pavarësisë e për flamurin simbol të lirisë.
Në foto: Idriz Guri
Thoma Papapanos ndër të tjera tha:
“Për këtë shpirt, për këtë gjuhë, për këto zakone luftuan të parët tanë, për këtë mëmëdhe se kursyen gjakun e tyre, për lirinë e mëmëdheut tonë luftuan me trimëri të pashoqe shqiptarët t`udhëhequr nga i Madhi Skënderbe kundër turqvet”
Në foto: Elmaz Boce
Pas tij foli edhe studenti Bahri Karagjozi e pastaj i gjithë populli nën drejtimin e Hasan Xhikut me flamurë në krye e me nxënësit e shkollës përpara u drejtua për në kështjellë me valle e me këngë revolucionare.
“Këtu, -shkruan Papapanua, përpara kullës së sahatit zbritëm flamurin turk të Turqisë nga shtiza dhe duke kënduar nxënësit e shkollës shqipe “Liria” hymnin e flamurit kombëtar, ngritëm flamurin e Skënderbeut, i cili valoi krenar mbi atë fortesë gjer ditën 16 mars 1913”.
Në foto: Hasan Xhiku
