admin
KËTË RADHË NUK ERDHËN DOT
-Sa nisi vallja e kënga
Argjiro syri në lotë
Të mungojnë penat e rënda
Këtë radhë nuk erdhën dot.
-Po ç’u bënë penat e arta ?
Të Bregut e Labërisë
Brum argjëndi i mban balta
Malet e Polifonisë !
-Ata bënë vargjet ylber
Kala mbulojnë trupin tënd
Lëvizi dhe mali gjerë
Një kombi shpirti i dhëmb !
-Ata që histori bënë
Në këngë mjalt u pikoj pena
Për brezat thesar kanë lënë
Murosur nëpër bedena .
Respekt për veprën e madhe të kollosëve të Polifonisë , që sot nuk u ngjitën në shesh-mejdanin e kalasë së madhe dhe na shikojnë nga qielli bashkë me yjet ! I Përjetshëm kujtimi i tyre ! Ata me vargjet e tyre janë në këngë ,do jetojnë sa vetë kënga !!!
MUFIT ÇELI
