Në faqen e FB: “Shtepia e Ficove Gjirokastër”, është vajza e Doktor Fredit, mikut tim dhe te gjithe gjirokastriteve e me gjere, që Gjirokastra e ka nderuar me titullin “Qytetar Nderi” (pas vdekjes).
![](https://gjirokastraonline.com/wp-content/uploads/2018/09/dummy-ad-300x250-1.jpg)
Pas ndarjes nga jeta, nderimi për të ka qenë në vëmendje te qytetit, shoqërisë dhe miqve, edhe jashtë Gjirokastres, ne Tiranë ku Defrim Methasani, Arbër Qatipi dhe 11 sportistë e komentatore sportive organizuan një aktivitet ne perkujtim te 10 vjetorit te ndarjes nga jeta te Dr. Fredit, me vlerësimin e merituar “Emër Simbol i Gazetarise Sportive.”
Aktiviteti i percjelle ne fb më ktheu shumë vite pas, në kontributin e Dr. Fredit edhe si komentatori i parë i radios tonë lokale.
Nga vitet ’80 e në vazhdim, Dr. Fredi, bashkepunetor i ngushtë i Radios lokale, pergatiste emisionin “Keshilla Mjekesore” që pëlqehej per temat e zgjedhura ne mbrojtje të shendetit, por dhe per zerin e tij te vecantë, radiofonik, ndaj dhe me pas u aktivizua në paraqitjen e lajmeve, pasqyren e gazetës “Pararoja” dhe komente nga shtypi i perditshëm.
Kur në radio erdhi drejtor Hysen Pojani, u diskutua per emisione te drejtperdrejta me publikun, po fitoi vetem “rubrika sportive” që tek degjuesit percillej me komentet e shkruara nga komentatori i mirenjohur Sokrat Papadhopulli.
Për kujtese, çdo fjalë e shkruar me pare lexohej, incizohej ne shirita, kontrollohej e pastaj transmetohej. Keshtu me lajmet, kronikat, reportazhet, fjalimet. Deri dhe emisione te thjeshta nga ndertimi dhe permbajtja si “Bisedojme dhe kendojme së bashku”, që përgatitej ne frontet e punes, institucione dhe fshatra.
Kështu trasmetimi direkt i ndeshjes se pare nga stadiumi u kthye ne ngjarje per qytetin. Bisedohej kudo e nga kushdo.Ne qender te bisedave ishte Fredi, protagonist, si komentatori i parë i trasmetimit te ndeshjes direkt nga mikrofoni i Radio Gjirokastrës, vendosur ne kabinen e stadiumit.
Me gëzim e shqetësim bashke, Fredi nisi trasmetimin:
“Jemi në trasmetim te hapur, në komentin tonë të parë të kësaj ndeshjeje futbolli të drejtperdrejte, me ju të dashur dëgjuës. Nga kjo e diel e në vazhdim, ju ftojmë të na ndiqni drejtëpërsëdrejti ne valet e Radio Gjirokastres….”
![](https://gjirokastraonline.com/wp-content/uploads/2018/07/dummy-ad-728x90-1.jpg)