Presidenti Ilir Meta Paralajmeron Shperndarjen e Parlamentit Live nga Protesta

Presidenti Ilir Meta Paralajmeron Shperndarjen e Parlamentit Live nga Protesta…

Presidenti Ilir Meta ndersa mori fjalen ne proteste tha se ai si president përulet vetëm para flamurit dhe para popullit.

Nder te tjera ai tha:

“Zëri i popullit, Zëri i zotit.

Presidenti i popullit “kuq e zi” ulet në gjunjë, ulet në gjunjë vetëm para flamurit kuq e zi, para popullit të shqiponjave.

Këtë ta dëgjojnë mirë puçistët vendas dhe organizata ndërkombëtarë mafioze që kërkon të shkatërrojë sovranitetin dhe kushtetutën tuaj.

Neni dy i kushtetutës që ju votuat në referendum në 22 nëntor 98 thotë sovraniteti në republikën e Shqipërisë i përket vetëm popullit.”

Presidenti Ilir Meta deklaroi në tubimin e thirrur prej tij se do të firmosë në shesh dekretin e anulimin e ligjit që ndryshon formulën e betimit të gjyqtarëve të Gjykatës Kushtetuese.

Por gjatë fjalës së tij, presidenti tha se do të shkojë në zyrën e tij për të firmosur dekretin dhe më pas do të kthehet për dekretin tjetër, atë të shpërndarjes së Parlamentit.

‘Unë ju jap fjalën në emër të këtij flamuri që janë vrarë mijëra dëshmorë, se pas datës 15 mars kur të përfundojë Reforma Zgjedhore që është një kusht i Evropës, populli kuqezi që votoi sot për vdekjen e grushtit të shtetit, nuk do ta firmos këtu po në mes të parlamentit, aty në mes të krimit.’, – tha presidenti Ilir Meta gjate fjales se tij.