Ali Lani - Kasapi i Famshëm i Pazarit të Gjirokastrës që nuk Thoshte kurrë "Nuk ka Mish pa Kokalla"!

Nga vitet `70 e lart i plotësuar në profesionin e kasapit Ali Lani ishte i paarritshëm.

Kasapin e bëntë më mirë edhe nga ata që mori zanat. Shquhej në teknikën e prerjes së mishit, ndarjen në pjesë e peshë të plotë pa krijuar qejfmbetje tek blerësit, i drejtë me të gjithë, të njohur e të panjohur, dhe me fëmijët.

I kënaqte të gjithë, në kualitet e peshë. Dhe për Vit të Ri kur radhët zgjateshin deri tek Banka e Kursimeve, s`thoshte kurre:

“Ne daç merre, në daç leje”.
As thoshte “Nuk ka mish pa kokalla”.

Po dhe një hatër e bënte se ajo kohë ishte, po kryesorja, s`ankohej njeri për peshë e cilësi.

Ali Lani si në kohën e tij më të mirë, në Pazar ka dhe sot hije e dukje. Edhe pse nuk ia kane me nevojen si dikur i flasin, “Ali njeri, Ali tjetri!” e ftojne per kafe e raki. Po dhe ai, fjalë urtë e me lekë në xhep, qeras dhe më shumë nga të tjerët.

Si zanatin që ka ushtruar dhe pjacën, Qafën e Pazarit, Aliu i ka dashur në çdo kohë.

Në 97-tën nuk e la punën po në Pazar nuk para dilte, mblidhej më shumë në lokalin e lagjes.

Siç shprehet, atëherë si bënin këmbët të zbriste, të kthente dhe një gotë. Dyqane e çati te ulura, të rëna, po nga vit dhe më mirë, me rregullime, pak e nga pak iu zbut vështrimi dhe zemra. Pazari rregullohet dhe çdo gje vete në vendin e vet, dhe më mire e me bukur akoma.

Në moshë që është, pazarit nuk i është ndarë, po ka ca kohë që është në Amërikë.

Tha dhe Aliu “ Të shohim një herë se ç`bëhët dhe jashtë Gjirokastrës!”.

Nga Amerika për miqtë dhe lagjen, bën dhe foto, që i përcjellë Ladi Hyska, shoku i fëmijërisë edhe ai në Amerikë.

*Ndalohet kopjimi apo riprodhimi i artikujve pa cituar burimin /GjirokastraOnline.com